10月15日(星期六)cooking class 完滿結束,非常感謝大家踴躍參與!

當天,大家都積極分享咗自己的烹飪經驗,又學到一啲煮藜麥和五穀雜糧米的秘笈,仲一齊品嘗咗兩款美味的菜式(有機雞絲牛油果藜麥脆脆沙律+煎法國鵪鶉野菌五穀飯),一齊過咗一個開心愉快的星期六。

 

小編總結咗當日的一些烹飪小TIPS俾大家:

 學員提問:點解喺屋企煮嘅藜麥會好似沙咁?藜麥可以撈沙律食?”

大廚IVAN答:藜麥最好喺加水,分量以1:1隔水蒸45分鐘,就唔會好似有沙嘅口感,就算撈埋沙律一齊食,都覺得好食,和容易入口。

 

學員提問:喺屋企煮嘅五穀雜糧飯,口感都一般,點樣會好食啲呢?

大廚IVAN答:今次教大家煮嘅五穀飯,同樣加水分量以1:1隔水蒸45分鐘,再加小小蒜頭,洋蔥,奶,忌廉,牛油一齊炒(因個人口味,鹽糖適量),咁就會使纖維較高嘅五穀雜糧飯變得滑口和香口,小朋友會更加喜歡。

 

學員提問:鵪鶉自己煎完,感覺口感太干,唔太好食?

大廚IVAN答:鵪鶉煎完後,需放入焗爐250°焗7-8分鐘,可以將肉汁鎖住。咁樣就可以避免口感太干,少咗肉汁的鮮味。


 

點擊下面鏈接是今次cooking class的食譜:

1. 有機雞絲牛油果藜麥脆脆沙律

2. 煎法國鵪鶉野菌五穀飯