暑假係旅行旺季,唔少爸爸媽咪們都想帶小朋友出國遊埠。兩、三歲人仔雖然識行識走,但要帶嘅物資真係多到可以用搬屋來形容,唔想攪到「裙拉褲甩」,不妨睇吓以下小貼士。

 

小貼士1 航空公司及機票

依家唔少航空公司都有提供小童搖籃、食物或玩具,媽咪們可以上網做吓資料搜集,訂機票前再跟航空公司確認一下。

另外,某些航空公司會收2歲以下小朋友嘅機票錢,價錢有可能係正價票的10%,其實所謂嘅正價票並唔係平時訂開嘅機票價錢,所以幫小朋友訂機票前記住check清楚價錢啊!

 


小貼士2 飛機上…

小朋友係飛機上大哭大叫嘅情況時有發生,其實飛機在起飛及降落時嘅氣壓,或者飛行途中嘅氣流都會令佢地嘅耳仔好唔舒服,所以爸爸媽咪們最好準備係起飛時餵佢地飲奶、飲水或食奶嘴等。

 


小貼士3 住宿及食物

很多酒店都可以為小朋友提供嬰兒床或浴盆,所以出發前最好先跟酒店聯絡一下,帶埋小朋友平常最愛嘅小枕頭或陪睡公仔,咁就唔怕「生埗床」瞓唔著。如果係兩、三歲可以食固體食物嘅小朋友,不妨帶少量嘅嬰兒食品、餅乾、或有機即溶燕麥片等作備用食物,另外爸爸媽咪們都可以為自己準備一些養生茶包如牛蒡茶或洋甘菊茶,就算攰都唔怕啦!

 

雖然帶小朋友去旅行可能很辛苦,但出外旅行都想大家開開心心,多些用小朋友的角度去看視物,很累、很攰的事情都可以很享受。


立即購買:

 点点綠 - 有機即溶燕麥片 

 牛蒡茶 

 洋甘菊茶