Kimmy指一指個肚:「夏天嚟啦,好肥吖,我已經又節食,又做運動,都仲喺咁肥。睇黎我準備要匿埋屋企過仲夏。」

 

Jennifer跳過嚟搭嘴,然後大師上身咁話:「其實你喺咪水腫,唔係肥吖?」

 

Kimmy驚訝咁問「咁點先知道自己係咪水腫吖?」

 

Jennifer繼續大師上身,用大拇指噤落去Kimmy大髀「嗱,你睇,噤完有白色一個印,要小小時間先會散,就細水腫,好多人都有嘅。不過,如果撳落去,成塊凹入去,就已經嚴重水腫,可能身體出現問題,咁嘅情況最好去睇醫生啦。」

 

Kimmy一副仰慕嘅眼神望住Jennifer「點解我會水腫嘅?」

 

Jennifer再耐心解釋「飲食習慣啦,高鹽高糖重口味食物,將身體水分鎖住,排唔出,就會導致水腫。我見你平時成日食零食,都會有影響。有時候個人抵抗力差小小,都有機會導致水腫。」

 

我一路測試自己,發現自己都有水腫,即刻問「咁要點搞,先唔會水腫呢?」

 

Jennifer自豪咁教我哋「確定自己屬於普通水腫後,運動排汗重要,但一定要注意平時嘅飲食,盡量低鹽低糖,少飲酒,仲可以搭配啲消水腫嘅食物,例如:【薏仁】可以促進血液和水份嘅新陳代,可利尿及消水腫。【紅豆】含有皂角苷,有利尿作用,對於臉部及腳部水腫,有唔錯嘅功效。【綠豆】同樣具有清熱解毒,利尿、利水以及消除水腫的功效。宜煲湯或煮甜粥。」

 

唔知你哋有咩方法去水腫呢?不妨一齊分享下。