根據2017年嘅「全球快樂報告」,香港排名全球第71位,香港人長期處於唔開心同壓力大的情緒下,真係需要食返啲「開心食物」先得㗎!

 

香蕉

香蕉含有豐富嘅鉀質,可以幫助神經系統功能正常運作,而且香蕉嘅果糖亦可以幫助人體快速補充血糖同碳水化合物,食完仲會精神啲,唔怪得馬拉松選手都會食香蕉補充體力啦!

 

堅果類

開心果、核桃等一向都係好受歡迎嘅小食。開心果可以對抗壓力荷爾蒙,降低腎上腺素及血壓;核桃含豐富嘅omega 3脂肪酸,可以幫助製造腦細胞,增加血清素嘅分泌。不過堅果類食物油分較高,所以最好揀無鹽或烤焗嘅比較好。

 

深海魚

深海魚如三文魚、吞拿魚、沙甸魚及鯖魚等,含豐富嘅omega 3脂肪酸,可以保護心血管,防止壓力荷爾蒙增加。

 

含豐富維他命C嘅橙除咗可以增強人體嘅抵抗力外,亦可以減低壓力荷爾蒙水平。如果面對大壓力,不妨考慮補充適量嘅維他命C

 

燕麥

燕麥嘅水溶性纖維可以穩定血糖,而且有飽肚、舒服嘅感覺。因為燕麥含碳水化合物,可以刺激腦部製造血清素,平復情緒。

 

雖然以上嘅食物都係「開心食物」,不過都唔應該偏向食其中一種,應該均衡飲食,以免攝取過量啊!


 

立即購買:

  土耳其有機開心果   

  有機紙皮核桃   

  有機即溶燕麥片   

  塔斯曼尼亞三文魚柳