人人都話「新橙酸,舊橙甜」,究竟咩叫「新橙」,咩叫「舊橙」呢?

可能大家都會以為「新橙」「舊橙」都係同一棵樹,只係早摘同遲摘落來嘅分別,所以啱啱摘落來嘅橙叫「新橙」,擺一段時間嘅橙就叫「舊橙」。

 

其實以上嘅講法都係唔正確的,所謂「新橙」「舊橙」並唔屬於同一棵樹,甚至係不同品種嘅橙!

 

「新橙」「舊橙」大比評

「新橙」又叫「蜜篤橙」(Valencia Orange),主要收成期為春夏天,供應期為每年嘅3月至9月,所以又叫「夏天橙」(the Summer Orange)。新橙香味會濃啲,味道甘甜多汁,size會細少少,表皮光滑而且皮薄、有核,通常會用來榨橙汁。




「舊橙」嘅品種就係「石榴篤橙」(Navel Orange),即係我地平時叫開嘅「臍橙」,收成期為秋冬時期,即每年12月至第二年6月。主要特徵係頂部肚臍位凸出,仲有啲「橙仔」係度添,表皮會有啲凹凸不平同「鞋烚烚」;因為係「單性結實」繁殖,所以係無核嘅,而且易剝易切。



 


【澳洲有機橙】已來到点点綠啦!

來自澳洲維多利亞省農場嘅【澳洲有機橙】品種為「臍橙」,無核之餘又肉質飽滿、味道甜美,農場更擁有澳洲有機認證(ACO),採用有機方法耕種,保證安心食用,一定可以滿足喜愛吃水果嘅人士。