中醫主張「冬病夏治」,呢個概念係源自中醫傳統嘅特色療法,指對於冬季容易發生或加重嘅疾病,係夏季時進行針對性治療,以提高身體嘅抗病能力、減輕或令病症消失。

 

冬病夏治就係夏天飲羊肉湯?

係古時,中醫會建議夏天飲羊肉湯補身,因為羊肉湯可以驅除身體內嘅寒氣,有「溫中散寒、溫補氣血」嘅功效。不過香港天氣比較濕熱,其實並唔適合係夏天飲羊肉湯;另外,要「冬病夏治」最好就要先了解自己嘅體質,如果係濕熱、痰濕、又或者偏燥熱嘅人士都唔適合飲用。


 

食療代替羊肉湯

其實要「冬病夏治」都仲可以有其他食療可以代替,不過呢個食療只適合陽虛人士,所謂「陽虛」就係長期手腳冰冷,食凍嘢會容易肚屙,有哮喘或鼻敏感嘅人士,不妨試試一些溫脾胃、散寒氣嘅食物,例如生薑、紅棗及黑糖等;因為脾胃係身體臟腑嘅樞紐,如果養好脾胃就可以減少生病嘅機會。不過都要適量飲用,尤其係糖尿病患者,要留意唔好攝入太多糖分,以免會影響病情。

 

炎夏祛濕食咩好?

夏天除咗要注意唔好食過量嘅生冷食物外,消暑祛濕都好重要。冬瓜、薏米及荷葉都係有效嘅祛濕食物,減少因食慾不振而無胃口嘅問題,減低水腫形成。

 

立即購買:

  桂圓紅棗茶   

  有機薏仁米   

  有機紅豆   

  有機雪棗   

  有機黑糖