最近日日都三十幾四十度,行出街都一身汗。除咗流汗攪到一身濕晒,如果有汗臭都真係幾尷尬。唔想咁樣,除咗要注意個人衛生外,揀啱食物都好重要!

 

如果常常進食味道濃烈、揮發性高嘅食物,例如咖喱、蒜頭或多香料嘅食物等,氣味就會跟隨汗水揮發,加劇汗臭,如果本身有「臭狐」嘅人士更應避免食呢幾類食物。

選擇衣物方面,盡量揀吸汗功能較好嘅棉質衣物,以減低汗臭;如因太大汗攪到衣物濕晒,外出時不妨多帶幾件衣物替換。

 

大汗都關「體質」事?

係中醫角度來講,「濕熱」同「陰虛火旺」嘅人都會比較大汗怕熱。

 

「濕熱」體質人士通常睇落比較強壯、陽氣充足,而且都偏好食煎炸油膩或辛辣嘅食物,容易造成濕熱體質。此類體質嘅人除咗會比較怕熱,汗味重同面油較多。要改善濕熱體質,最好應戒食煎炸油膩、辛辣食物;另外亦可以飲多啲竹蔗茅根水、薏仁米水等,除咗可以清熱降火,減少身體嘅「熱」外,同時更可以改善腸胃、暗瘡、口氣問題。

 

另外,「陰虛火旺」嘅人常常會有忽冷忽熱情況,容易口乾,皮膚乾燥、失眠嘅情況;而且會係瞓覺期間特別大汗,多數係經常熬夜所致。除咗減少熬夜,食多啲百合、沙參、玉竹等養陰食物,都可以改善體質。

 

立即購買:

  龍牙百合    

  有機薏仁米