西瓜大家食得多,唔知大家又知唔知,原來西瓜都有分「公」、「乸」㗎!原來「乸」嘅西瓜皮會薄啲,而且會甜啲、多汁,食落口感會好啲。相反「公」嘅西瓜唔單止皮厚、核多、食落口仲「鞋烚烚」。


人就有分男女,咁西瓜又點分呢?

其實點為之「靚瓜」,就好似人一樣,首先要係睇外表,要揀生長均勻,圓圓飽滿嘅西瓜,表皮嘅紋路仲要整齊、清晰,瓜皮顏色翠綠、光滑而且有光澤就係靚西瓜啦。如果瓜型歪歪斜斜,表皮「白雪雪」又無咩光澤就儘量唔好揀啦!

 


靚瓜睇「肚臍」?

跟住就睇西瓜嘅底部,又叫「瓜肚臍」嘅圈圈。圈細又有啲凸嘅係「乸」西瓜,圈大又有點凹嘅係「公」西瓜。

最後就睇瓜蒂。如果瓜蒂彎曲,顏色新鮮翠綠,好似靚女嘅捲髮,就是「乸」西瓜。相反「公」西瓜嘅瓜蒂又直又短,而且「乾爭爭」。

 

學識以上幾招,以後揀西瓜就無難度啦!